Bilim salasynda jas mamandardy aýylǵa tartýdy kózdeıtin "Dıplommen – aýylǵa!" baǵdarlamasy, shetelde bilim alýǵa múmkindik beretin "Bolashaq" halyqaralyq stıpendııasy, "Serpin" baǵdarlamasy júzege sátti asyrylyp keledi. "StartapBolashak" bıznes-jobalar baıqaýy ǵylym men tehnologııa, ınnovasııaǵa jaqyn jas qazaqstandyqtardyń tanylýyna múmkindik beredi. Ǵylym, shyǵarmashylyq, qoǵamdyq qyzmet, sportta erekshe kózge túsken talantty jastarǵa "Daryn" memlekettik jastar syılyǵy tabystalady. Prezıdenttiń tapsyrmasymen qabyldanǵan "7-20-25" baǵdarlamasy ár jas otbasyǵa yńǵaıly sharttarmen baspana alýǵa múmkindik beredi.
Jastar elimizdiń jarqyn bolashaǵyna jeteleıtin basty qozǵaltqysh bolyp tabylady. Osy oraıda, Elbasy men Qazaqstan halqynyń jastarǵa úmit artýy oryndy ekenine kúmán joq. Elbasynyń Jastar jylynyń ashylýy kezinde jas urpaqtyń áleýmettik jaǵdaıyn kóterýge arnalǵan tapsyrmalary olardyń el ekonomıkasy men rýhanııatyn damytýyna úlken demeý bolary sózsiz. О́z kezeginde olar da Otanyna adal qyzmet etip, órkenıetke umtylary anyq. Jastar bilimimen, tárbıesimen, otansúıgishtigimen, eńbekqorlyǵymen básekege túsýi kerek.
Álimjan QURTAEV,
Senat depýtaty
